عارفين طبعا كلكم حمله الاعلانات بتاعت بريل . الاعلانات دى يا جماعه عملت ضجه واثاره للجدل غريبه . جروبات على الفيس بوك ومقالات صحفيه . معظم الحاجات دى بتعارض الاعلان واكتر حاجه معترضين عليها كلمه استرجل . بيقولوا هو احنا مش رجاله ولا ايه . ومش هنبقى رجاله الا لما نشرب بريل طيب والبنات يعملوا ايه ميشربوش . والرجوله ادب مش شرب بريل . يعنى فى ناس كتيير بتقول الكلام دا
بصراحه يا جماعه راى ان الاعلان دا مميز جدا وناجح جدا وذكى جدا . انتوا طبعا كلكم عارفين طعم بريل . مش اى حد يقدر يشربها لانها مره . فلازم الاعلان يقنعك انك تشرب بريل .ومش بنفع يعمل زى اعلانات المياه الغاذيه انه اللى بيشرب يستمتع وكدا لان الجمهور مش هيقتنع. فبيعمل حاجات بطريقه مضحكه تقولك ان بريل دى للرجاله . ايه المشكله فى كدا اعلان حلو وبيضحك ومقنع بصراحه الاعلان مميز جداا وتسويقى من الدرجه الاولى وكمان الجدل اللى على الحمله الاعلانيه دى فى مصلحه الشركه اكتر مهى ضدها
عامه التسويق دا فن وعلم ودراسه
الاشتراك في:
تعليقات الرسالة (Atom)
جميل كلامك
ردحذفمفيش مشكله ان الاعلان يبقى مضحك بالنسبه لك او فكرته جديده
بس الغلط انك تلعب على مشاعر المراهقين خاصة الفرافير منهم زى ما فى يوم الدعايه صورت للمراهقين ان رجولتهم فى السيجارة .
حاجه تانيه مأخوذه على الاعلان
الرسايل السلبيه اللى بيوصلها للشباب فى مجموعة الاعلانات دى
زى مثلا لما اصدقاء شخص بصوله باستنكار لانه معجب بشخصية بنت ليعلن الرجل اللى بيجعر ان من مبادىء هذه الرجوله ان (شخصية البنت اخر حاجه تعلق عليها )
سيبك من ان جملة (طعم ميقدروش غير الراجل ) مسيئه جدا خصوصا انى مبحبش طعم المشروب المقرف ده
ده مثال
وهتلاقى فى كل اعلان ليهم اما رساله سيئه او عباره خادشه او فكره خادشه اكتر من العباره
خد عندك
( الصدر حلو بس مش صدرك )
( باطك بس اللى يترشله اسبراى )
(الازازه تتحط فى اى حته )
(اللى يخليك تعيط ..الكوره بس)
((التكريع بيساعد على الهضم..للرجاله بس))
هم بس عندهم حق فى اعلان (مفيش فرح جبار)
المهم يعنى انى لقيت الاعلان بيقول للشباب خليك مستهتر ومأنتخ اكتر ما انتم عليه ، خليك بارد وعديم الذوق
ولو بتقول انى مزودها ادخل اليوتيوب وشوف الاعلانات تانى وحط فى دماغك انك يمكن كبرت والكلام ده يبضحكك بس ، لكت فيه ناس بتتأثر بيه اكتر من مجر ضحك
كلامك صح يا فندم ولكنى اتكلم من وجهه نظر تسويقيه بحته
ردحذفأنا أتفق معاك أن الاعلان عامل صدي جامد اوي و أن الكلام عليه خلي الناس تتفرج علي الاعلان أكثر
ردحذفمع أني مش موافق علي فكرة الاعلان نهائي ):
أنما الاستفزاز بيجيب نتيجة قوية جداً
و الناس اللي ضد الاعلان بينشروا اكثر يبقي كده الاعلان هتنشر أكثر ... ده فكر تسويقي مشهور اوي
عامل بالظبط زي أعلانات ميلودي ... استفز الناس و هما ييجوا لوحدم و كمان يتنشروا ليك اللي انت مش هتقدر تنشرة لوحدك
بالظبط دا اللى بقول عليه يا سكندرى ومتنساش انك بتعلن عن حاجه طعمها وحش , ودا مجهود مضااااعف
ردحذففهو تسويقيا اعلان نجح جدا