هاى بيوتى شكرا على الاضافه واتمنى نكون اصحاب طول العمر
بجد انتى انسانه عسوله اول واموره اوى ومحترمه اوى وانا اول ما شفتك ارتحتلك واتمنى نكون اصدقاء فى الله
انا مستعد ادفع نص عمرى وتكلمينى بجد انتى هايله دا شرف ليا اكيد
مستني ردك وهبعتلك ايميلي وميرسي مره تانيه
على فكرة انا نفسى اتعرف عليكى بجد ياريت تكلمينى على ايميلى وانا مستعد اعملك اى حاجه
مش عارف ليه حاسس انى اعرفك من زمان ياريت تكلمينى على الايميل عشان اتاكد
ومعانا اتصال تلفونى ونقول الوووووووه معاكى ---- اخو سيد ابو حفيظه جامعه الدلتا حاسبات ومعلومات ودا الاميل بتاعى ممكن تضيفه
تعرفى انك ملاك والله انتى مش ممكن تكونى بشر مفيش بشر بالجمال دا ياريت تكلمينى على الايميل ابقى اسعد انسان فى العاااااااالم
كل الكلام اللى فوق دا تعليقات ناس على بروفيلات بنات فى مواقع زى hi5 , zorpia ,facebook
اللى يهبلك بقى ان احيانا البنات تلاقيهم وحشين وحتى لو حلويين ايه اللى يخلى الواحد يعمل كدا واحده حلوه على عينى بس انا هتفرق معايا ايه هيا ناقصه تضييع وقت انا اكلم واحده على المواقع دى لو حسيت انه فى بينا حاجه مشتركه ولو دا حصل هابعتلها رساله مش تعليق عبييط ملوش اى لزمه
الناس بقت تافه بطريقه غريبه ماشى عندى بنات فى الاكونت بتاعى على الفيس بوك وعلى هاى فيف وفيهم بنات مزز بس هتفرق فى ايه مش كل ما هاشوف واحده كدا هاروح بقى اعمل فيها عبيط والزق نفسى باى كلام عشان يمكن تحن عليا وتعبرنى ------ ايه اللى يخلينى اعمل كدا فى الفاضى
مانت لازم تحترم البنت اللى قدامك وتحترم شخصيتها وقبل كل دا تحترم شخصيتك انت
يا جماعه حد يقولى دا عادى ولا ايه بالظبط انا حاسس اننا بقينا تافهييييييييييين اوى ولا انا محبكها ولا ايه
شباب أهبل لا مؤاخذه
ردحذفمهو المشكله يا استاذ مهدى ان الهبل دا بيجى على دماغنا كلنا مهو طول ما فى شباب كدا هتبقى البلد بعافيه
ردحذفال يعنى انت عايز تفهمنى انك ماكنتش بتعمل كده فى يوم من الايام
ردحذفيابنى كل واحد لازم يمر بمرحله يعمل فيها عادات معينة خاصه بالشخصيه بتاعته
Oops!
ردحذفأنت جيت علي الجرح
دا أنا هاين عليا لما أشوف الناس دي أحدفهم بطوبة في دماغهم و اقول لهم يا عم فوق من حالة الهرولة الفكرية دي ( ايه المصطلح الغريب ده) ... أنا زهقت من دخول الفيس بوك أصلاً لأني حاسس أن كل الناس بقت حبيبة و بتحب في بعضها و قاعدين يسمعوا أغاني رومانسي كأن عنتر بيحب عبلة و رميو و جولييت رجعوا من أول و جديد
و اللي مش عاجبك الكلام العجيب بتاعة أعمله hide علشان تريح دماغك ... بلا تقاهة بقي
ههههه حلوه الهروله الفكريه دى
ردحذفالمشكله يا سكندرى انه مش موضوع حب , دى حكايه هرمونات يا مان , كل الحكايه شباب هايج ومش لاقى حاجه كويسه يفرغ فيها طاقته وبيفرغها بالشكل المهين دا فى صوره شات وتعليقات وصداقات زائفه