الحاجه دى عباره عن اختراع او منتج بشععععع بيسموه الدبدوب , عارفينه طبعا , البتاع الغريب اللى بياخد اشكال مختلفه واحجام مختلفه وبيكون هديه فى المناسبات المختلفه واولها عيد الحب , ليييه بقى ايه الحكمه يعنى من الدبدوب دا , غالبا بيكون شكله وحش يخليك عاوز تبص فى حته تانيه , يعنى ملوش اى فايده وسعره بيقولوا غالى , وهديه اعتقد ملهاش اى لزمه , يعنى انا لما يجيلى دبدوب اعمل بيه اييييييييه ؟ وماعتقدش انى من النوع اللى ممكن انام وانا جنبى على السرير دبدوب , والله تبقى حاجه مش لطيفه خالص , دانا انام وجنبى مفتاح انجليزى اهون من انى انام وجنبى دبدوب .
وبعدين كنت فى اى مناسبه اقعد اقول يا رب محد يجيبلى دبدوب لان هيكون فعلا وبجد مصيره الزباله , بس سبحان الله اللى يخاف من العفريت يطلعله , والاقى حد جايبلى دبدوب وتقولى هااااااا ايه رايك , وانا طبعا مش ينفع اكسر بخاطرها , الله جميييل هايل دا حلو اوى عجبنى جدا على فكره , وغالبا بكون راميه فى اى مكان قبل ما اروح ( يارب ميكونش حد من اللى ادونى دبدوب قبل كدا بيقرا الموضوع )
وبعدين تلاقى بنت ماشيه فى الجامعه ومعاها دبدوب صغير وتلاقيها بتحضنه وتلاعبه بطريقه , تخلى اى شاب عنده هرمونات يقول ياريييتنى كنت دبدوب . وكمان تيجى تركب تاكسى تلاقى سواق التاكسى حاطط دبدوب فى التاكسى , عشان يبقى رومانسى ولطيف !!!!!!!
حتى التكاتك بقى فيها دباديب , انا مش عارف ليه حاسس ان الدباديب دى مستقصدانى .
حد يفهمنى يا جماعه ايه الموضوع دا وايه الحكمه منه , يعنى ماله الورد , ايه المشكله فى ازازه بيرفيوم جميله , ساعه شيك , ان شالله حتى ياخد حقه او حقها ناشف , لكن دبدووووب استغفر الله
انا بتخنق جداً من كمية الدباديب الموجودة في ايدين البنات دي ... ومش عارف ليه بيحبوها كده كأنها عيل من عيالهم ؟
ردحذفدا ايام عيد الحب بيبقي في كمية دباديب مهولة في البلد !!!
بس أن رأيي أن كل واحد بيجيب هدية لواحد بتعبر عن الشخص اللي بيدي الهدية و الشخص اللي بياخد الهدية
يعني لو جبت لي ساعة يبقي الساعة دي كل ما ابص فيها هفتكرك و قيمتك غالية اوي عندي
و لو جبت لك برفيوم يبقي انت أنسان حلو و ريحتك حلوة و جميل جداً في نظري
أما لو جبت لي دبدوب يبقي يا أما اللي بيدي الهدية دبدوب أو اللي بياخد الهدية دبدوب
و يبقي كده يعملوا فيلم جعلوني دبدوباً في عيد الحب (:
صح يا سكندرى , اللى يجيب لحد دبدوب يبقى هو دبدوب او شايف اللى قدامه دبدوب هههههه
ردحذفطيب وبعدين يا سكندرى عاوزيين حل للموضوع دا , ابقى قوللى انت حسابك ايه على الفيس بوك عشان اضيفك