مهو ان كنا هنرتاح من هم المذاكره والدكاتره المعقده والمذكرات وتصوير الورق ايام الامتحانات ----------- فى حاجات تانيه هنتحرم منها اهمها المزز فى الجامعه وماقولكش بقى على مزز جامعه المنصوره يعنى احلى بنات يا حاج واشيك بنات وكل شين كان
وحاجه تانيه زى اللف والصرمحه فى الجامعه وبرا الجامعه والرحلات والضحك والهزار اللى اوقات مش بيكون الا فى الجامعه دا غير الصحبه الحلوه اللى هيا اهم حاجه
يعنى حاجات كتيير اوى بصراحه الواحد كان بيحبها فى الجامعه خصوصا ان كليتنا كليه لذيذه مش محتاجه تعب اوى طول السنه يعنى تجاره بقى والحدوته كلها الشهر اللى قبل الامتحانات
الوقتى بقى الواحد مش عارف يعمل ايه ملل رهيييييب ومفيش اى جديد والكافتريات بقت خنقه وماتشات تجيب الضغط وبرامج فى التليفزيون كلها وساخه ومواضيع مقرفه ------------ مش عارف حاسس كداا انى بدات ادخل فى دوامه العاطلين عن العمل مع انى لسه حتى النتيجه مظهرتش عشان ادور على شغل دا حتى من كام يوم كنت فى المنصوره بخلص حاجه وبعد ما عملت المصلحه لقيت نفسى داخل الجامعه زى ما يكون وحشتنى هههههههههه
يلا كلها ايام وبنعشها على راى الهضبه وربنا يستر فى اللى جاى
هجبر بخاطرك واكتب تعليق. بص ياسيدي نفس الاحساس ده بيجي للواحد علي فترات ولو ترجع فلاش باك قبل الامتحانات كان في ملل او بلاش قبل الامتحانات الاجازه الي فاتت ياسيدي ايه الجديد في الملل هوه واحد اعتقد احنا الي بنفكر غلط يعني اسلوب العيشه غلط من الاصل بس ايه الحل !هنفضل نقول عندنا مملل رهييب وخلاص ده الي احنا بنفكر فيه بنفكر دايما نعبر عن الملل ازاي بس عمرنا مفكرنا ندور علي شيء يشيل الملل . انا قراءت كتاب قبل كده بيقولك تنظيم الوقت بالقلم والورقه = وداعا للملل والفراغ هتقولي هكتب ايه هقولك التنظيم في حد ذاته الي انا مبعملوش يعني ساعه تلفزيون و5 نت و2 فيلم اي حاجه بس التنظيم وخلاص هتضحك وهتقول في الفاضي يبقي خليك في الملل ياخفيف واعتقد ان مفيش قدامنا حاجه الي انه احنا نقرأ ونطبق . اللهم اجعلنا من الذين يقولون القول فيتبعون احسنه .
ردحذفاهلا بيك يا احمد فى المدونه كلامك تمام وميه ميه بس فى حاجه--- مساله تنظيم الوقت دى مش بتحصل الا لما يكون فى حاجات كتير الواحد عاوز يعملها ومش لاقى وقت كفايه ليها لكن فى حالتنا دى احنا عندى وقت كتيييير ومش لاقين حاجه نعملها يعنى تفرق كتيير يا ابو حميد -- ولا ايه ؟!!
ردحذفايه ده هو انت محمود ؟
ردحذفهى المدونه دى لاصجابك يعنى ؟
طب ما احنا معاك على طول
نبقى نتكلم فى الموضوع ده واحنا بنتمشى ونوفر الكتابه
عموما مبروك المدونه
ولما تبقى عاطل بجد هتشوف الملل بجد
بصراحه مش عارف انت مين يا غير معروف بس هارد عليك
ردحذفاوقات يا باشا الواحد بيكون مخنوق ومش بيكون حابب يقول لحد يعرفه حاجه عامه دا الغالب يعنى كتيير المشاعر اللى ليها علاقه بحد تانى مش بينفع تقولها لحد حتى لو كان صاحبك وحتى لو مش ليها علاقه بحد تانى معظم الاوقات الواحد مش بيحب يقولها لحد ( يعنى حاجات خاصه بيا مش تهم حد فى حاجه ) زى متقول مذكرات للواحد بس على النت
هتسالنى ليه عالنت اقولك على الاقل ممكن حد يشوف الكلام الى بكتبه يقولى رايه فيه ---------- بس يا سيدى دى الحكايه
زي ما يكون انا اللي كاتب التدوينة دي
ردحذفبجد دا نفس الاحساس اللي انا حاسس بيه
ملل ثم ملل ثم ملل
الصرمحة علي النت وفي الشوارع والنوووووووووم وبس خلاص
وبعدين
انا رأيي أن رأي أحمد صح حاول تكتب اللي انت عايز تعمله في اليوم اول ما تصحي هتقولي اعمل ايه اقولك في مليون حاجة ممكن تعملها
تتعلم لغة تشوف افلام هادفة (مش هايفة) تخرج مع اصحابك تقرأ كتاب مجلة جرنان أي بتاع يا عم انا معرفش انت بتحب تعمل أيه انت حر بقي اختار اللي أنت عايزه
علي فكرة أنا لسه ما عملتش اللي احمد بيقول هليه بس اقتنعت بيه
سلام
كل انسان علي حسب حلمه ,, لو حلمك انك تبقي عاطل هتبقي عاطل لو حلمك كبير هتبقي كبير
ردحذفاحمد الهادى _ مش كل ما يتمناه الانسان يحصل عليه بس اهم حاجه نعمل اللى علينا
ردحذف